انتقد أحمد حسام ميدو لاعب الزمالك ومنتخب مصر السابق، لاعبي النادي الأهلي بسبب رفضهم تحية الجماهير عقب مباراة شباب بلوزداد، في دوري أبطال إفريقيا، التي انتهت بفوز الأحمد بسداسية مقابل هدف وحيد.
وكتب ميدو عبر حسابه الرسمي على موقع التواصل الاجتماعي " إكس:":"من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبه وده اللي عملوا فعلا جمهور الاهلي".
اقرأ أيضا
الأهلي يعلن تفاصيل إصابة رضا سليم أمام شباب بلوزداد
نجم الأهلي السابق يهاجم صاحب قرار عدم تحية الجماهير| قلة خبرة
وأضاف:" قبل الماتش ورد فعل اللاعيبة كان عظيم بالفوز الكبير وطبيعي ان الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة ان بفوزك النهارده الكبير الصفحة اتقفلت ومش هنقبل إلا بالأداء والنتائج دي".
ووصل:"وهي دي عقلية مشجع الاندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي اساس نجاح اي نادي كبير".
وتابع:"كان لازم اللاعيبة تروح تحيي الجمهور ويفهموا ان جمهورهم معاهم مش ضدهم انما ايه اللي حصل مين المستفيد الأكبر ان يكون في خلاف ما بين الجمهور والمجموعه علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من اصدقائي الاهلاوية زعلوا مني قرار التوقيع معاه اكبر غلطة في تاريخ الأهلي".
