احتفل مروان حمدي ماهجم نادي بيراميدز، بتتويج فريقه بلقب دوري أبطال إفريقيا، بعد الفوز على صن داونز بهدفين مقابل هدف في مباراة التي جمعتهما على استاد الدفاع الجوي.
وكتب مروان حمدي عبر حسابه الرسمي على موقع التواصل الاجتماعي " فس بوك":"الحمد لله، احنا أبطال إفريقيا بعد تعب كبير جدًا وموسم عظيم لينا، ربنا كرمنا بأغلى وأهم بطولة، كسبناها عن استحقاق وبمجهودنا وتركيزنا وإصرارنا".
اقرأ أيضا
أكرم توفيق: رفضت عروض من الزمالك وبيراميدز.. ولم أتخيل يومًا رحيلي عن الأهلي
الزمالك يُفاضل بين فتوح وبنتايج قبل نهائي كأس مصر أمام بيراميدز
وأضاف مهاجم بيراميدز:" فخور جدًا بينا وبأخواتي أحسن لاعيبة في مصر وأفريقيا، وأنضف شخصيات، كل فرد داخل منظومة بيراميدز يستحق الشكر، وشكرًا جدًا للجمهور المحترم اللي جاه ساندنا النهاردة".
وتابع:" حقيقي كانوا ناس جميلة جدًا. مفيش نادي في العالم بيتولد بجماهير، لكن الشعبية بتتعمل واحدة واحدة، والناس هتبدأ تشجع بيراميدز، وأنا واثق في ده إن شاء الله".
وواصل:"وقتنا دلوقتي نستمتع، وعايز أقول "معلش" لأي حد كان عايز يشمت فينا أو كان بيتمنى نخسرـ معلش جدًا، صعبان عليا والله".
ووجه مروان حمدي رسالة: "الف شكر لإعلامنا الجميل المحايد العسل النموذج على النزاهة والأمانة في الشغل، وعلى اهتمامه ببيراميدز الفترة اللي فاتت، وأنه فريق مصري وصل نهائي أفريقيا وتغطية جميع أخباره ومتابعته".
والمناسبة، احنا مكناش محتاجين دعمكم في حاجة، بس أنتم فعلًا واضحين جدًا للجميع، إلا من رحم ربّي. لكن ده العادي من إعلامنا المعروف عنه أنه بيشتغل الشغلانة صح بمعايير الإعلام المضبوطة، مش بيخاف من حد ولا شغال مصالح شخصية وماشي مع القطيع الحمد لله .. وأخيرًا هاردلك لمشجعين صنداونز الناطقين باللهجة المصرية".
التعليقات السابقة