أعلن إبراهيم فايق رحيله عن قناة أون تايم سبورتس في الفترة الحالية، بعد رحلة استمرت 5 سنوات
وكتب فايق عبر حسابه الرسمي على موقع التواصل الاجتماعي "فيس بوك":"الرحلة هي الكنز.. والكنز عشرة وصحاب لقيتهم في جمهور التالتة، مؤمن أن مفيش حاجة في الدنيا بتدوم بس اللي بيدوم المحبة والسيرة الحلوة".
اقرأ أيضا
محمود عاشور يكشف كواليس اعتداء لاعبي ابوسليم على محمد معروف
قالوا عن الأهلي| غضب كولر وأخطاء عبدالمنعم وخسارة الدوري المصري
وأضاف:"أنا اتشرفت اني دخلت المتحدة من ٥ سنين، اجتهدت قدر ما مكنني ربي والحمدلله أصبت وأخطأت وكان ربنا دايما معايا".
وتابع:"ولأن لكل مشوار محطة بيقف فيها، فمشواري مع جمهور التالتة بيقف النهاردة والحقيقة وأنا بودع أون تايم سبورت هيفضل في رقبتي دين كبير ليها بسبب النجاح اللي وصلت له من خلالها".
وواصل:"شكرا جزيلا للأستاذ عمرو الفقي الرئيس التنفيذي للشركة المتحدة، شكرا للأستاذ أسامة الشيخ رئيس قطاع الرياضة بالمتحدة، شكرا لأستاذ ألبيرت شفيق رئيس قطاع التلفزيون، شكراً لحبايبي وزمايلي وإخواتي في الإعداد والإخراج والإنتاج والإضاءة والإكسسوار والتشغيل والتنفيذ، هتوحشوني، ويعلم ربنا مأثر فيا قد إيه أني مش هشوفكم زي ما كنت متعود".
واختتم:"وأخيرا شكرا كبيرة لك أنت عزيزي المشاهد والمتابع العظيم صاحب الفضل الأول والأخير بعد ربنا، هتوحشني وإن أراد ربنا هنتقابل في محطة جديدة، ونكمل المشوار سوا".
